"బ్లాగు పుస్తకం" పరిచయం కూడా ఆదివారం నాడే

ప్రముఖ బ్లాగర్లు సుజాత, రెహ్మాన్ గార్లు రచించిన బ్లాగు పుస్తకం పరిచయ కార్యక్రమం ఈ ఆదివారం (19 న) హైదరాబాద్ లోని మధురానగర్ లో ఏర్పాటు చేశారు. ఇది ఒకటిన్నర నుంచి మూడు గంటల వరకూ జరుగుతుందని నిర్వాహకులు పంపిన ఆహ్వానపత్రంలో పేర్కొన్నారు. పూర్తి వివరాల కోసం ఈ ఆహ్వానపత్రాన్ని చూడండి.

రెహ్మాన్ గారిని కలిసిన గుర్తు లేదు కానీ సుజాత గారు నేను బ్లాగు మొదలుపెట్టినప్పడు పరిచయం అయ్యారు. బ్లాగు పరంగా సాంకేతిక సమస్యలు వచ్చినా, కొన్ని అంశాల విషయంలో నైతికపరమైన సందేహాలు తలెత్తినా ఒక మంచి సోదరీమణిలాగా ఆదుకున్నారు. వారు నిర్వహిస్తున్న ఈ కార్యక్రమం విజయవంతం కావాలని కోరుకుంటూ రహ్మాన్ గారికి, సుజాత గారికి అభినందనలు. ఉదయం రాజగోపాల్ గారి సరదాకి పుస్తకావిష్కరణ కార్యక్రమం చూసుకుని మధ్యాహ్నానికి ఈ ప్రోగ్రాంకు హాజరుకావాలని నేను అనుకుంటున్నాను. వేణువు గారు వస్తారని ఆశిస్తున్నాను. అటు వెళ్లే ఒక నలుగురైదుగురికి ఖైరతాబాద్ నుంచి వాహన సౌకర్యం కల్పించబడును. కేరాఫ్ అడ్రస్...ఆల్ఫా హోటల్, ఖైదరాబాద్ చౌరస్తా.