Tuesday, December 18, 2012

గందరగోళంలో జీ 24 గంటలు--రాజకీయాల్లోకి శైలేష్ రెడ్డి!

మునిగిపోతున్న నావలాంటి జీ 24 గంటలు చానెల్ లో బొత్స సత్యనారాయణ గారి కుటుంబం  వాటా తీసుకున్న నాటి నుంచి అక్కడ విచిత్రమైన పరిణామాలు చోటు చేసుకుంటున్నాయి. అక్కడ జకీర్, శివ ప్రసాద్ లు చేరిన తర్వాత ఈ గందరగోళం మరింత ఎక్కువై జర్నలిస్టుల వలసకు కారణమైనట్లు సమాచారం. 

గత రెండేళ్లుగా...రాజకీయ ప్రస్థానం గురించి ఆలోచనలు చేస్తున్న జీ 24 గంటలు హెడ్ శైలేష్ రెడ్డి కి ఆ చానెల్ కు సంబంధాలు దాదాపు తెగిపోయినట్లు తెలుస్తున్నది. మరో పది పదిహేను రోజుల్లో శైలేష్ రాజకీయ భవిత విషయంలో ఒక స్పష్టత రావచ్చు. మహబూబ్ నగర్ జిల్లా లో ఒక నియోజకవర్గం నుంచి ఆయన తన రాజకీయ భవితను పరీక్షించుకోవచ్చని భోగట్టా. 

52:48 నిష్పత్తి వాటాతో జీ గ్రూపు, బొత్స కుటుంబం ఈ చానెల్ ను నడుపుతున్నాయి. ఒక ఏడాదిన్నర పాటు  ఒక్క పైసా అడగకుండా చానెల్ నడపాలని, తర్వాత సమీక్ష చేసుకుని ఒక అవగాహన కు రావాలని జీ షరతు విధించిందని, దానికి ఇరు పక్షాల మధ్య ఒక ఒప్పందం కుదిరినట్లు తెలిసింది. ఈ పరిస్థితులలో...అస్మదీయులైన జర్నలిస్టులకు పెద్దపీట  వేయాలని, శైలేష్ మనుషులైన తెలంగాణా తమ్ముళ్ళ ను సాగనంపాలని యాజమాన్యం అనుకుంటున్నట్లు...బాధిత జర్నలిస్టు ఒకరు చెప్పారు. 

"ఇక్కడ విలువలు లేవి, మర్యాద లేదు. పిచ్చి సమీకరణాల ను బట్టి వ్యవహరిస్తున్నారు," అని ఆ జర్నలిస్టు అన్నారు. ఈ పరిస్థితి ని జీర్ణించుకోలేని ఒక వర్గం జర్నలిస్టులు వేరే చానెల్స్ లో ఉద్యోగాల కోసం అన్వేషణ చేస్తున్నట్లు కూడా తెలిసింది. యాజమాన్యం పొగ పెట్టడానికన్నా ముందే వేరే దారి చూసుకోవడం ఉత్తమమని జర్నలిస్టులు, టెక్నీషియన్లు భావిస్తున్నారు. 

అయితే...సంక్షోభ సమయంలో శైలేష్ పక్కకు తప్పుకోవడం ఒక వర్గానికి విచారం కలిగిస్తున్నది. ఒక ప్రాంతానికి, ఒక వర్గానికి చెందిన జర్నలిస్టులకు మాత్రమే అవకాశాలు కల్పించారన్న మాటను శైలేష్ తెచ్చుకున్నారు. అందులో ఎంతో  కొంత నిజమున్నా....ప్రతిభను వదులుకోవడానికి ఆయన సిద్ధపడలేదు. "పాలిటిక్స్ లోకి వెళ్లాలని ఆయన ఎప్పటి నుంచో  అనుకుంటున్నారు. వచ్చే ఆసెంబ్లీ ఎన్నికల దృష్ట్యా ఇదే సరైన సమయం," అని మరొకరు అన్నారు. రాజకీయాల పట్ల ఆసక్తి ఉన్నట్లు శైలేష్ ఒక ఏడాది కిందటే ఈ బ్లాగుకు తెలిపారు. 

1 comments:

Priya said...

Green star gaaru.. thank you very much for your hearty support. Aa comments delete cheseyamani kontha mandhi shreyobhilaashulu cheppadam valana delete chesesaanu. Meeku email cheddaamante mail address dorakaledhu. Andhuke ilaa.. marokkasaari meeku naa hrudhayapoorvaka kruthajnathalu :)

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి